ذئاب الجبل

الذئب الأكبر
عارف فكري- عارفسكي - اللهو الخفي
إذا كلفت نفسك وعملت سيرش على الجوجل ستكتشف أنه هو خط الصعيد الجديد
new line of upper Egypt
تخرج عارف من كلية أصول الدين والدعوة- قسم العقيدة والفلسفة
ويتضح هذا تماما من سلوكياته العامة
ذات مرة كنا نجلس على قهوة يوم الجمعة قبل الصلاة فقال لنا
النهاردة يوم الجمعة
قلت في نفسي
الظاهر هيدينا خطبة الجمعة مقدما

فقال فضيلته
إيه رأيكو نلعب ويجا؟

فقلت سيادتي
ايه يا خويا؟!!
فقال كريم:
معلش أصله واخد الشهادة بدكر بط
وأثناء وجوده في مدينة أسيوط حيث كان يدرس بدت عليه معالم التطرف
وبدأ يدخل المكتبة ويقرأ المجلدات المنسيةلــ

ديستوفسكي
ومن هنا اكتسب اسم الشهرة

عارفسكي
وبعدها بدأ الكتابة في الرواية ونقد السينما وأشياء أخرى
ولانشغاله في الكتابة وعدم وجود تليفون في البيت وتعطل الموبايل طوال الوقت تحول عارفسكي إلى
.اللهو الخفي
اللي يعرف يجيبك وانت ما تجيبوش
ومن هذه العزلة نشأت هويته بكتابة قصص الرعب..... ياماااااااا
قصص تحبس الأنفاس من أول نفس
عارف فكري
اسم ستسمعونه كثيرا لحد ما تزهقوا


الذئب الأوسط
وليد خطاب
ذئب من برج الحمل
لا
تدع مظهره البريء يخدعك ولا صوته المنخفض
فأنت أمام ذئب/ مثالي
يعمل معيدا للفيزياء وفي نفس الوقت يعشق الفلسفة- دماغه لاسعة من الآخر
بعد أن حصل على مجموع عال في الغرزة الثانوية قرر زيادة نشاطه الإجرامي
حاول الإنضمام لعدد من أقسام الكلية ولكنها كلها رفضته الواحدة تلو الأخرى
ووجد بغيته في قسم الفيزياء وطلبته الغلابة لكي يبلطج عليهم ويفرض أتاوة
لكنه عرف أن الجريمة لا تفيد بعد أن اشتغلوه في القسم ورفضوا تعيينه في جامعة القاهرة
مفضلين طلبة الأقسام المزدوجة عليه هو خريج فيزيا اسبشيل(على فكرة الكلام ده حقيقي، وأي طالب علوم في أي جامعة تانية غير القاهرة ما يتخيلش إن طلبة الأقسام المزدوجة يتعينوا معيدين، وأي حد مش طالب علوم مش هيفهم يعني إيه قسم مزدوج وأي حد بيفهم مش هيفهم حاجة ، مش بقولكم فيزيا بقه
أما موضوع الفلسفة فده موضوع تاني
ندخل في التالت
فوليد من الناس القليلة اللي كنت بحقد عليهم في الكتابة
بس نفسي دلوقت يرجع زمان- وإلا هنحط السيخ المحمي في صرصور ودنه


الذئب الأصغر
ذئب يخاف من الدم
كريم الفنان- كيموالجهنمي

أول ما تقرا لكريم تحس إنك قدام شخص دموي، اسطوري، فرانكشتاين
أو شخص سيكو سيكوباتي ساعتي
أو شخص يعمل في الأعمال السفلية وعلى علاقة وطيدة بشوشو
ولكن
عندما تعرفه تفاجأ
تجده يفزع من منظر الدم الذي يغرق صفحات قصصه عندما يقابله في الواقع
تجده إنسان خجول، من عائلة محافظة(محافظة القاهرة تحديدا
بل والأدهى والأمر
إنسان رومانسي بزيادة، يدوبك بيدبح قطتين على غيار الريق



أنا
وأعوذ بالله من كلمة أنا
ماليش دعوة بالناس دي ومش عارف إيه اللي جابني هنا؟