06 يوليو, 2007
احلم..بالعقللللل
تعرفي كان بقالي كتير قوي مش بحلم-
ياه..معقول..وحلمت ايه بقي-
حلمت أفوز بالجايزة الأولي ف المسابقة-
بس-
وحلمت كمان كريم يفوز-
ها-
وباسم كمان-
طب وانا كمان والنبي-
كدة تبقي واسعة قوي-
الكلام دة دار بيني وبين وليد امبارح، واكتشفنا اننا بنستخسر نحلم كتير، واننا لما بنحلم، بنمنطق حلمنا، ونطبق عليه قواعد الواقع الصارمة مع انهم بيقولوا "الحلم معليهوش جمرك"ومع ان حلمنا ممكن يوسع لحد ما يلم العالم كله..يبقي ليه نحلم ع القد
أنا فاكرة جملة عجبتني قوي -يمكن كانت الحاجة الحلوة الوحيدة-ف مسلسل محمود المصري، كان بيقول : انت عند آخر حلمك..لو بتحلم تكون موظف حتكون، وتقضي عمرك كله ورا مكتب حكومة..لو بتحلم بفلوس حتجيب، لو بتحلم تبقي تاجر حتبقي..أنا بقي،حلمي العالم كله..حلمي ألمس النجوم"..فليه احنا بنضيقها علي نفسنا..دة احنا حتي لما بنيجي ندعي، مش بنطلب الفردوس الأعلي، بنقول"يارب بس ان شاللا آقل حتة ف الجنة"..وأحيانا بنقول المهم مندخلش النار، مع انه دعاء..مع انه حلم
ف الحلم مفيش قواعد..ومفيش حدود..معقول تكون بدأنا نفكر حتي واحنا بنحلم!!..أنا بحلم بالدنيا بحالها
بحلم ليا ولاصحابي ولاخواتي وللبلد..بحلم حلم طويييييل وكبيييييير ووااااااااسع
يساع الدنيا والآخرة
وبحلم أفضل أحلم
وبحلم ييجي يوم أحقق أحلامي كووووولـ..احم..كلها دي واسعة قوي..يعني نقول..نصها!!..تلتها طيب
احلم..بالعقللللل
تعرفي كان بقالي كتير قوي مش بحلم-
ياه..معقول..وحلمت ايه بقي-
حلمت أفوز بالجايزة الأولي ف المسابقة-
بس-
وحلمت كمان كريم يفوز-
ها-
وباسم كمان-
طب وانا كمان والنبي-
كدة تبقي واسعة قوي-
الكلام دة دار بيني وبين وليد امبارح، واكتشفنا اننا بنستخسر نحلم كتير، واننا لما بنحلم، بنمنطق حلمنا، ونطبق عليه قواعد الواقع الصارمة مع انهم بيقولوا "الحلم معليهوش جمرك"ومع ان حلمنا ممكن يوسع لحد ما يلم العالم كله..يبقي ليه نحلم ع القد
أنا فاكرة جملة عجبتني قوي -يمكن كانت الحاجة الحلوة الوحيدة-ف مسلسل محمود المصري، كان بيقول : انت عند آخر حلمك..لو بتحلم تكون موظف حتكون، وتقضي عمرك كله ورا مكتب حكومة..لو بتحلم بفلوس حتجيب، لو بتحلم تبقي تاجر حتبقي..أنا بقي،حلمي العالم كله..حلمي ألمس النجوم"..فليه احنا بنضيقها علي نفسنا..دة احنا حتي لما بنيجي ندعي، مش بنطلب الفردوس الأعلي، بنقول"يارب بس ان شاللا آقل حتة ف الجنة"..وأحيانا بنقول المهم مندخلش النار، مع انه دعاء..مع انه حلم
ف الحلم مفيش قواعد..ومفيش حدود..معقول تكون بدأنا نفكر حتي واحنا بنحلم!!..أنا بحلم بالدنيا بحالها
بحلم ليا ولاصحابي ولاخواتي وللبلد..بحلم حلم طويييييل وكبيييييير ووااااااااسع
يساع الدنيا والآخرة
وبحلم أفضل أحلم
وبحلم ييجي يوم أحقق أحلامي كووووولـ..احم..كلها دي واسعة قوي..يعني نقول..نصها!!..تلتها طيب
منقول عن مدونة بحلم .. بغني
هناء يعني
بالرغم من إنها كانت بتتكلم عن موضوع تاني
بس برضك
ألف مبارك يا عريس
وليد كسب يا رجالة
وعقبال بقية الديابة
الصورة اللي فوق للفريق سعد الشاذلي
مش بس عشان ذكرى حرب أكتوبر
لكن عشان نفتكر إن الأحلام ممكنة... للي يستحقها
10 comments:
الله يبارك فيك يا رفيق
ومستنيك قريب .. قوي إن شاء الله
:)
وبحلم أفضل أحلم
اجمل كلمه قلتها
انا بحلم ارجع احلم
بوست جميل
صحيح مديقنها على نفسنا لية
دة حلم
تصدق نيهتنى لحاجة مهمة
مش بس الاحلام اللى مستخسرينها فى نفسنا برضو الطموح ديق أوى
بص يا رفيق وليد
أبقى كداب لو قلت لك إني مش عايز أنشر النهاردة قبل بكرة
بس سيبني أتجمل وأقولك إن الأهم إني أطور كتابتي وأدخل في الكتابة الروائية.. ده نفسي أعمله في الفترة الجاية
هبة الاسكندرانية
أهلا وسهلا بيكي في المدونة
هو الجزء ده في البوست مش بتاعي
أنا قلت أنا نقله من مدونة أختنا الكبيرة هناء
واللي بحلم ربنا يحقق لها كل أحلامها
عزيزي فاوست
فينك يا راجل مختفي من مدة
عاجبني تفريقك ما بين الحلم والطموح
يمكن الطموح يكون هو الصيغة الأكثر عملية من الحلم.. الحلم كلمة واسعة ممكن تحلم على راحتك حتى بالمستحيل، لكن ده معناه إنك تعيش في وهم. أما الطموح فلازم، من وجهة نظري إنه يكون مرتكز على حاجات من الواقع
ايوووووووووووه على الفرح يا مغامير
حقيقي اسعدتم قلبى المنهك
ربنا يجزيكم عنى كل خير
:)
كل سنة وانتم طيبين ووحشنى حقيقي
ألف مبروك يا مان
والله فرحت لك
وعقبال المجموعة المليون
بلاش واسعة شوية
عقبال الرقم اللي يعجبك
واننا لما بنحلم، بنمنطق حلمنا
عجبتنى اوي الجملة دي
لأن ده بجد اللي لازم يحصل
لو حلمنا من غير ما نمنطق الحلم على حد قولك هنصاب بالإحباط لو ماعرفناش نوصل لحلمنا
ممكن يكون في اختلافات بين الناس
يعنى ممكن شخص عشان يقدر يوصل للنقطة ب لازم يحلم بالنقطة ج
لكن انا عن نفسي مابحبش كده
بحب أحلم على أدي
طموحة أه بس في حدود قدراتي
ومبروك لوليد
وعقبالك (:
Post a Comment